మాచర్లలో పిన్నెల్లికి షాక్.. వైఎస్సార్‌సీపీకి సీన్ రివర్స్, టీడీపీ ఖాతాలోకి!

Macherla Ysrcp Councillors In Tdp: పల్నాడు జిల్లా మాచర్ల మున్సిపాలిటీ టీడీపీ ఖాతాలో చేరనుంది. వైఎస్సార్‌సీపీ కౌన్సిలర్లు టీడీపీలో చేరుతున్నారు. తాజాగా మాచర్ల మున్సిపల్ ఛైర్మన్ ఏసోబు, వైస్ ఛైర్మన్ నరసింహారావు కూడా టీడీపీలో చేరబోతున్నారు. ఈ ఇద్దరు నేతలు ఇప్పటికే టీడీపీ ఎమ్మెల్యే జూలకంటి బ్రహ్మారెడ్డితో సమావేశమయ్యారు. మున్సిపల్ ఛైర్మన్, వైస్ ఛైర్మన్‌లు టీడీపీలో చేరాలని నిర్ణయించుకున్నట్లు తెలుస్తోంది. ఇప్పటికే 14మంది కౌన్సిలర్లు టీడీపీలో చేరిన సంగతి తెలిసిందే.