మీ వాళ్లకు ఫీల్డింగ్, బౌలింగ్ రావట్లే.. జగన్ దమ్ముంటే నువ్వే రా.. బీజేపీ ఎమ్మెల్యే ఛాలెంజ్

వైఎస్ఆర్ జిల్లా జమ్మలమడుగు నియోజకవర్గంలో అధికార, విపక్ష నేతల మధ్య మాటల యుద్ధం నడుస్తోంది. ఈ క్రమంలోనే వైసీపీ నేతలకు ఎమ్మెల్యే ఆదినారాయణ రెడ్డి వార్నింగ్ ఇచ్చారు. తన గురించి ఇష్టానుసారం మాట్లాడితే ఊరుకునేది లేదని.. చెప్పుతో కొడతానంటూ ఆదినారాయణ రెడ్డి అన్నారు. సూపర్ సిక్స్ హామీల అమలుపై వైసీపీ ఎమ్మెల్సీ రామసుబ్బారెడ్డి, బీజేపీ ఎమ్మెల్యే ఆదినారాయణ రెడ్డి మధ్య ఈ మాటలయుద్ధం నడుస్తోంది. ఇక లోకల్ వైసీపీ నేతలకు బౌలింగ్, ఫీల్డింగ్ చేతకావటం లేదన్న ఆదినారాయణరెడ్డి.. దమ్ముంటే వైఎస్ జగన్ బరిలోకి దిగాలని ఛాలెంజ్ చేశారు.