మూసీ నది పునరుజ్జీవన ప్రాజెక్టుపై ముందడుగు.. రంగంలోకి టాటా గ్రూప్.. దావోస్‌లో కీలక ఒప్పందాలు..

స్విట్జర్లాండ్‌లోని దావోస్ వేదికగా జరిగిన ప్రపంచ ఆర్థిక వేదిక (WEF) సదస్సులో తెలంగాణ ప్రభుత్వం భారీ విజయాలను సాధించింది. ముఖ్యంగా టాటా గ్రూప్ చైర్మన్ నటరాజన్ చంద్రశేఖరన్‌తో జరిగిన భేటీలో మూసీ నది పునరుజ్జీవన ప్రాజెక్టులో భాగస్వామి కావడానికి టాటా సంస్థ అంగీకరించింది. నదుల పునరుద్ధరణలో తమకున్న అనుభవంతో హైదరాబాద్ అభివృద్ధికి సహకరిస్తామని వారు హామీ ఇచ్చారు. ఈ పర్యటనలో రష్మి గ్రూప్ రూ. 12,500 కోట్లు, స్లోవేకియా న్యూక్లియర్ సంస్థ రూ. 6,000 కోట్లు, సర్గాడ్ సంస్థ రూ. 1,000 కోట్ల పెట్టుబడులకు ఒప్పందాలు కుదుర్చుకున్నాయి. 'తెలంగాణ రైజింగ్ 2047' విజన్‌తో రాష్ట్రానికి సుమారు రూ. 19,500 కోట్ల పెట్టుబడులు రావడం విశేషం.