మొన్న 93.. ఇప్పుడు 100.. వైసీపీకి అభ్యర్థులు కూడా దొరకలేదు: నిమ్మల రామానాయుడు

సాగునీటి సంఘాల ఎన్నికల్లో టీడీపీ కూటమి పార్టీలకు రైతులు అఖండ విజయం అందించారని ఏపీ మంత్రి నిమ్మల రామానాయుడు అన్నారు. రైతులు అందించిన ఏక పక్ష విజయానికి ధన్యవాదాలు తెలియజేశారు. వైసీపీ పార్టీకి అభ్యర్థులు దొరకలేదని.. కనీసం మద్దతు ఇచ్చేవారు కూడా కరవయ్యారంటూ ఎద్దేవా చేశారు. ఈ విజయాన్ని చూస్తుంటే వైసీపీ ఐదేళ్ల పాలనలో రైతాంగం ఎన్ని ఇబ్బందులు పడిందో అర్థమవుతోందన్నారు. సాధారణ ఎన్నికల్లో టీడీపీ కూటమికి 93 స్ట్రైక్ రేట్‌తో విజయం అందిస్తే.. సాగు నీటి ఎన్నికల్లో 100 శాతం స్ట్రెక్ రేట్‌తో విజయం అందించారన్నారు.