యాదగిరిగుట్ట వెళ్లే భక్తులకు తీపి కబురు.. ఆలయ సమీపంలో మినీ శిల్పారామం, విశేషాలివే..

తెలంగాణ తిరుపతిగా పేరుగాంచిన యాదగిరిగుట్టకు వెళ్లే భక్తులకు తీపి కబురు. ఆలయానికి సమీపంలోని రాయగిరి చెరువు వద్ద రెండెకరాల్లో అభివృద్ధి చేసిన మినీ శిల్పారామం రేపట్నుంచి అందుబాటులోకి రానుంది. రూ. 2 కోట్ల వ్యయంతో నిర్మించిన పల్లె వాతావరణం, ఫుడ్‌కోర్టు, బోటింగ్, రాత్రిపూట లైటింగ్‌ శిల్పారామానికి వచ్చే వారికి ప్రత్యేక అనుభూతిని ఇవ్వనున్నాయి.