యాదాద్రి థర్మల్‌ పవర్‌ప్లాంట్‌లో అగ్నిప్రమాదం.. నిలిచిపోయిన విద్యుత్ ఉత్పత్తి..

నల్లగొండ జిల్లా దామరచర్లలోని యాదాద్రి పవర్ ప్లాంట్‌లో మరోసారి అగ్నిప్రమాదం సంభవించింది. మొదటి యూనిట్‌లోని బాయిలర్ నుంచి ఆయిల్ లీక్ కావడంతో మంటలు చెలరేగాయి. అగ్నిమాపక సిబ్బంది మంటలను అదుపు చేశారు. ఈ ప్రమాదంతో 600 మెగావాట్ల విద్యుత్ ఉత్పత్తి నిలిచిపోయింది. ఈ ఏడాది ఫిబ్రవరిలో కూడా ఇదే ప్లాంట్‌లో ప్రమాదం జరిగింది. వరుస ప్రమాదాలు భద్రతా చర్యలపై ఆందోళన కలిగిస్తున్నాయి. భవిష్యత్తులో ఇలాంటి దుర్ఘటనలు జరగకుండా పటిష్టమైన భద్రతా చర్యలు తీసుకోవాల్సిన అవసరం ఎంతైనా ఉంది.