రాజమండ్రి నుంచి ఢిల్లీ.. ఇక రెండు గంటలే.. విమాన సర్వీస్ ప్రారంభం

రాజమండ్రి ఢిల్లీ విమాన సర్వీసు అందుబాటులోకి వచ్చింది. కేంద్ర పౌర విమానయాన శాఖ మంత్రి కింజరాపు రామ్మోహన్ నాయుడు, ఎంపీ పురందేశ్వరి.. ఇండిగో విమానంలో ఢిల్లీ నుంచి రాజమండ్రి మధురపూడి విమానాశ్రయానికి చేరుకున్నారు. తొలి సర్వీసు రన్ వే పై ల్యాండ్ అయిన వెంటనే విమానాశ్రయం సిబ్బంది వాటర్ కెనాల్స్ ద్వారా స్వాగతం పలికారు. ప్రతి రోజూ రాజమండ్రి ఢిల్లీకి రెండు సర్వీసులు అందుబాటులో ఉంటాయి. విమాన సర్వీసును ప్రారంభించిన వెంటనే కేంద్ర మంత్రి రామ్మోహన్ నాయుడు తిరిగి అదే విమానంలో ఢిల్లీకి వెళ్లిపోయారు.