రాజీవ్ యువ వికాసం స్కీమ్.. దానిని తప్పనిసరి చేసిన ప్రభుత్వం..

రాజీవ్ యువ వికాసం పథకం కింద మంజూరు చేసే యూనిట్లకు బ్యాంకు లింకేజీని తెలంగాణ ప్రభుత్వం తప్పనిసరి చేసింది. పథకంలో పారదర్శకత పెంచడానికి ఈ నిర్ణయం తీసుకుంది. కేటగిరీల వారీగా బ్యాంకు రుణాల నిబంధనలను స్పష్టం చేసింది. గతంలో ఎదురైన సమస్యలను అధిగమించడానికి ఈ చర్యలు తీసుకుంటున్నారు. బ్యాంకులు రూ. 1,600 కోట్లు రుణం ఇస్తే 5 లక్షల మందికి స్వయం ఉపాధి యూనిట్లు మంజూరవుతాయి. బీసీ సంక్షేమ శాఖకు ప్రభుత్వం రూ. 4,639.81 కోట్లు విడుదల చేసింది.