రాత్రి ఫిర్యాదు.. తెల్లారేసరికి సమస్య పరిష్కారం.. ట్వీట్‌కు నారా లోకేష్ క్విక్ రియాక్షన్

ఏపీ మంత్రి నారా లోకేష్ పాలనలో తన మార్క్ చూపిస్తున్నారు. ప్రజాసమస్యలపై సత్వరమే స్పందిస్తున్నారు. కాణిపాకం అనుబంధ ఆలయమైన మణికంఠేశ్వర స్వామి ఆలయంలో ఫోటోలు తీసుకోవాలంటే డబ్బులు అడుగుతున్నారంటూ ఓ నెటిజన్ ఎక్స్ వేదికగా నారా లోకేష్‌కు ఫిర్యాదు చేశారు. దీనిపై చర్యలు తీసుకోవాలని కోరారు. ఈ నేపథ్యంలో ఈ విషయాన్ని పరిశీలించాల్సిందిగా దేవాదాయశాఖ అధికారులను మంత్రి నారా లోకేష్ ఆదేశించారు. ఫిర్యాదుపై విచారణ జరిపిన అధికారులు.. భక్తుల సమస్యను పరిష్కరించారు. ఫోటోలు తీసుకోవడానికి ఎలాంటి డబ్బులు చెల్లించాల్సిన అవసరం లేదని ప్రకటన విడుదల చేశారు.