రాత్రికి రాత్రే ఆ కాలేజీ కూల్చివేత.. తమ భవిష్యత్తు ఏంటంటున్న విద్యార్థులు..

విజయవాడలో శాతవాహన కాలేజీ కూల్చివేతలు ఉద్రిక్తతలకు దారితీశాయి. గురువారం రాత్రికి రాత్రే కొంతమంది ప్రొక్లెయిన్ల సాయంతో శాతవాహన కాలేజీని కూల్చివేశారు. బోయపాటి అప్పారావు పేరుతో బోర్డులు నాటారు. ఈ విషయం తెలుసుకున్న వెంటనే పోలీసులు అక్కడికి చేరుకుని.. ప్రొక్లెయిన్లను స్వాధీనం చేసుకున్నారు. మరోవైపు కనీసం సమాచారం ఇవ్వకుండా శాతవాహన కాలేజీని కూల్చవేశారని.. శిథిలాల కింద విద్యార్థుల రికార్డులు ఉండిపోయాయని.. వారి భవిష్యత్తు ఏం కావాలంటూ విద్యార్థి సంఘాలు ఆందోళనకు దిగాయి.