రెండు పార్టీలకు పుట్టగతులుండవ్.. ఆ కసితోనే పని చేస్తున్నా.. బండి సంజయ్ కీలక వ్యాఖ్యలు

తెలంగాణలో అగ్గి రాజేస్తోన్న రాజీవ్ గాంధీ విగ్రహ ఏర్పాటుపై కేంద్ర మంత్రి బండి సంజయ్ కుమార్ కీలక వ్యాఖ్యలు చేశారు. విగ్రహాల లొల్లితో ప్రజలకు ఒరిగేదేముందని కాంగ్రెస్, బీఆర్ఎస్ పార్టీ నేతలను బండి సంజయ్ ప్రశ్నించారు. ఆ రెండు పార్టీలకు పుట్టగతులుండవంటూ ఘాటు వ్యాఖ్యలు చేశారు. దమ్ముంటే రుణమాఫీపై శ్వేత పత్రం విడుదల చేయాలని డిమాండ్ చేశారు. కరీంనగర్ పార్లమెంట్‌ను పూర్తిస్థాయిలో అభివృద్ది చేయడమే తన లక్ష్యమని.. ఆ కసితోనే కష్టపడి పనిచేస్తున్నానని చెప్పుకొచ్చారు.