రెండున్నరేళ్లుగా పొలం కౌలుకు తీసుకుని పంటసాగు.. డ్రోన్ ఎగరడంతో రూ.కోటి గుట్టు బయటపడింది

Nellore District Police Destroy Ganja: నెల్లూరు జిల్లా దుత్తలూరులో మొక్కజొన్న పంట మాటున సుమారు 2 ఎకరాల్లో గంజాయి సాగు గుట్టును పోలీసులు బయటపెట్టారు. డ్రోన్ సాంకేతికతతో సాగును గుర్తించి, గంజాయి పంటను ధ్వంసం చేశారు. ఈ గంజాయి నెట్‌వర్క్‌పై దర్యాప్తు ముమ్మరం చేశారు. ఆరుగురు వ్యక్తులు అదుపులోకి తీసుకున్నారు.. మరో ముగ్గురు పరారీలో ఉన్నారు. గంజాయి సాగు, రవాణా, విక్రయాలకు పాల్పడితే కఠిన చర్యలు తప్పవని నెల్లూరు జిల్లా ఎస్పీ డా అజిత వేజెండ్ల హెచ్చరించారు.