రేపే ఏపీ కేబినెట్ భేటీ.. పవన్ కళ్యాణ్ దూరం.. అదే కారణం!

ఏపీ కేబినెట్ భేటీ గురువారం జరగనుంది. ముఖ్యమంత్రి నారా చంద్రబాబు నాయుడు నేతృత్వంలో రేపు ఉదయం ఏపీ మంత్రిమండలి సమావేశం కానుంది. ఈ భేటీలో పలు కీలక అంశాల గురించి చర్చించనున్నారు. అయితే ఏపీ కేబినెట్ భేటీకి డిప్యూటీ సీఎం పవన్ కళ్యాణ్ దూరంగా ఉండనున్నట్లు తెలిసింది. డిప్యూటీ సీఎం పవన్ కళ్యాణ్ ప్రస్తుతం వైరల్ జ్వరంతో బాధపడుతున్నట్లు సమాచారం. పవన్ కళ్యాణ్ జ్వరంతో పాటుగా స్పాండిలైటిస్ సమస్యతో ఇబ్బందిపడుతున్నారని తెలిసింది. ఈ నేపథ్యంలోనే ఆయన మంత్రిమండలి భేటీకి హాజరుకాలేకపోవచ్చని తెలిసింది.