రేషన్ కార్డుదారులకు బ్యాడ్‌న్యూస్.. వీరికి 3 నెలల తర్వాతే రేషన్..

తెలంగాణ ప్రభుత్వం 2.03 లక్షల కొత్త రేషన్ కార్డులు మంజూరు చేసింది. అయితే.. రేషన్ షాపుల్లో కొత్త కార్డుదారులకు ప్రస్తుతం బియ్యం అందడం లేదు. మే 20వ తేదీకి ముందు మంజూరైన వారికి మాత్రమే జూన్ బియ్యం లభిస్తుంది. మిగతా వారు సెప్టెంబర్ నుంచి అందుకుంటారు. ప్రభుత్వం మూడు నెలల బియ్యాన్ని ఒకేసారి పంపిణీ చేస్తోంది. ఇప్పటివరకు 62 శాతం పంపిణీ పూర్తయింది. జూన్ 30 నాటికి పూర్తి చేస్తారు. కొత్త కార్డుల జారీ నిరంతరం కొనసాగుతుంది. ఈ జాప్యం వల్ల లబ్ధిదారులు నిరాశలో ఉన్నారు. స్పష్టత ఇవ్వాలని ప్రజలు కోరుతున్నారు.