రైతులకు సంక్రాంతి శుభవార్త.. సాదాబైనామాపై ప్రభుత్వం కీలక నిర్ణయం.. ఆ నిబంధన తొలగింపు..

Sadabainama Application Affidavit update: తెలంగాణ సర్కార్ సాదాబైనామా దరఖాస్తుదారులకు శుభవార్త చెప్పింది. అఫిడవిట్ నిబంధనను తొలగించేందుకు ప్రభుత్వం సిద్ధమైంది. దీనిపై త్వరలోనే ఉత్తర్వులు రానున్నాయి. ఈ నిర్ణయంతో ఎన్నో ఏళ్లుగా పెండింగ్‌లో ఉన్న సాదాబైనామా సమస్యలు పరిష్కారమవుతాయని.. ఈ నిర్ణయం వల్ల ఎంతో మంది రైతులకు మేలు జరుగుతుందని భావిస్తున్నారు. భూభారతి చట్టంలో లేని ఈ నిబంధనపైను తర్వాత ప్రత్యేకంగా చేర్చడంపై పలు విమర్శలు వెల్లువెత్తాయి. మరో 2, 3 రోజుల్లో దీనిపై ఉత్తర్వులు వెలువడనున్నాయి.