వరద బాధితులకు జస్టిస్ ఎన్.వి. రమణ విరాళం.. కేంద్రానికి కీలక విజ్ఞప్తి

Justice NV Ramana Donation for Floods: భారీ వర్షాలు, వరదలు రెండు తెలుగు రాష్ట్రాలలో బీభత్సం సృష్టించాయి. వరదల కారణంగా పదుల సంఖ్యలో ప్రాణాలు కోల్పోగా.. అనేక మంది సర్వం కోల్పోయి రోడ్డు పడ్డారు. ఈ నేపథ్యంలో వరద బాధితులను ఆదుకునేందుకు పలువురు ముందుకు వస్తున్నారు. రంగాలకు అతీతంగా ప్రముఖులు, సాధారణ ప్రజానీకం తమకు చేతనైనంత వరద బాధితులకు విరాళంగా అందిస్తున్నారు. ఈ క్రమంలోనే సుప్రీంకోర్టు మాజీ ప్రధాన న్యాయమూర్తి జస్టిస్ ఎన్ వి రమణ వరద బాధితులకు విరాళం అందించారు. రెండు రాష్ట్రాలకు పది లక్షల చొప్పున విరాళం అందించారు