వరదల్లో దెబ్బతిన్న వాహనాలు.. ఇన్సూరెన్స్ కంపెనీలతో చంద్రబాబు మీటింగ్.. కీలక ఆదేశాలు

విజయవాడలో వరదలు బీభత్సం సృష్టించాయి. ప్రాణాలతో పాటుగా ఆస్తి నష్టం జరిగింది. ఈ నేపథ్యంలో ఏపీ ప్రభుత్వం కీలక నిర్ణయం తీసుకుంది. బుధవారం బీమా సంస్థలు, బ్యాంకర్లతో చంద్రబాబు సమావేశమయ్యారు. విజయవాడలో పరిస్థితిని వారికి వివరించారు. ఈ పరిస్థితుల్లో మానవీయ కోణంలో వ్యవహరించాలన్నారు. రుణాలు రీషెడ్యూల్ చేయాలని బ్యాంకర్లను కోరారు. అలాగే వాహనదారుల క్లెయిమ్‌లను పదిరోజుల్లోగా పరిష్కరించి వారికి అండగా నిలవాలని చంద్రబాబు సూచించారు.