వారం రోజులు అడవిలోనే.. దారితెలీక, తిండిలేక, బిక్కుబిక్కుమంటూ.. వృద్ధురాలి యదార్థ(దీన)గాథ..!

Mahabubabad Forest: 71 ఏళ్లు వృద్ధురాలు.. వారం రోజుల పాటు అడవిలో ఉంది. కావాలని కాదండోయ్.. దారి తప్పిపోయి. ఇంటికి వెళ్లేందుకు దారి వెతుకుతూ.. తిండిలేక వారం రోజుల పాటు కేవలం నీళ్లతోనే కాలం గడిపింది. చిరుత పులులు, క్రూర మృగాలు, పాములు ఉన్న అడవిలో బిక్కుబిక్కుమంటూ.. కాళ్లకు చెప్పులు లేకున్నా, కాళ్లలో సత్తువ లేకున్నా.. ఇంటికెళ్లే దారిని వెతుకుతూనే ఉంది. కుటుంబ సభ్యులు, గ్రామస్థులు, అటవీ శాఖ అధికారులు.. అందరూ కలిసి జల్లెడ పట్టినా లాభలేక.. ఇక ఆశలు సన్నగిల్లుతున్న సమయంలో.. అత్యంత దీనమైన స్థితిలో ఆ వృద్ధురాలు కనిపించింది. ఇది కథ కాదు.. ఓ వృద్ధురాలి యదార్థ దీన గాథ.