వారికి చేయూత.. ఉచితంగా స్కూటర్లు, ట్రై సైకిళ్లను పంపిణీ చేసిన మంత్రి పొన్నం..

హుస్నాబాద్ మార్కెట్ యార్డులో మంత్రి పొన్నం ప్రభాకర్ దివ్యాంగులకు ఉచితంగా వాహనాలు, ఉపకరణాలను పంపిణీ చేశారు. తెలంగాణ దివ్యాంగుల సహకార సంస్థ ఆధ్వర్యంలో సుమారు రూ. 15.12 లక్షల విలువైన 10 మోటారైజ్డ్ స్కూటర్లు, 4 బ్యాటరీ వీల్ చైర్లు, మొబైల్ బిజినెస్ ట్రై సైకిల్, టాబ్లెట్లను 16 మంది లబ్ధిదారులకు అందజేశారు. పదేళ్లుగా ఈ సాయం కోసం ఎదురుచూస్తున్నామని.. ప్రజా పాలన ప్రభుత్వం తమ కలను నెరవేర్చిందని దివ్యాంగులు సంతోషం వ్యక్తం చేశారు. ఈ వాహనాలు తమకు స్వయం ఉపాధి కల్పించడమే కాకుండా.. ఆత్మవిశ్వాసాన్ని నింపుతాయని మంత్రి పేర్కొన్నారు. అర్హులైన ప్రతి దివ్యాంగుడికి ప్రభుత్వం అండగా ఉంటుందని ఆయన హామీ ఇచ్చారు.