వేములవాడలో జోరుగా కూల్చివేతలు.. కారణం ఏంటంటే..

వేములవాడ పట్టణంలో ప్రధాన రహదారి వెడల్పు ప్రక్రియ ఆదివారం ప్రారంభమైంది. రాజరాజేశ్వర స్వామి దేవస్థానం నుంచి మూలవాగు వంతెన వరకు ఉన్న మార్గాన్ని 80 అడుగులకు విస్తరించేందుకు అధికారులు ప్రణాళికలు సిద్ధం చేశారు. ఈ క్రమంలో, గుర్తించిన 240 మందికి పైగా నిర్వాసితులలో ఇప్పటికే 60 మందికి భూసేకరణ చట్టం-2013 ప్రకారం పరిహారం చెల్లించారు. రూ.47 కోట్లు కేటాయించబడ్డాయి. రోడ్డు వెడల్పు పనుల తొలిదశలో భాగంగా, స్థానిక పురపాలక సంఘానికి చెందిన మాంసం మార్కెట్ ప్రాంగణాన్ని అధికారులు ఆదివారం జేసీబీలతో కూల్చివేశారు. రాజన్న ఆలయం ముందున్న వాణిజ్య సముదాయాన్ని తొలగించారు.