వైఎస్ జగన్ వ్యాఖ్యలను ఖండించిన పోలీసుల సంఘం.. అసలాయన ఏమన్నారంటే?

వైసీపీ అధినేత వైఎస్ జగన్ మోహన్ రెడ్డి పోలీసులను ఉద్దేశించి చేసిన వ్యాఖ్యలను ఏపీ పోలీసు అధికారుల సంఘం ఖండించింది. రిటైర్ అయిన తర్వాత కూడా బట్టలూడదీయిస్తామంటూ వైఎస్ జగన్ చేసిన వ్యాఖ్యలను ఖండించింది. ఐదేళ్లు ముఖ్యమంత్రిగా పనిచేసిన వైఎస్ జగన్ ఇలా మాట్లాడటం దురదృష్టకరమని అభిప్రాయపడింది. వైఎస్ జగన్ వ్యాఖ్యలు ఏపీ పోలీసుల మనోభావాలు, ఆత్మస్థైర్యం దెబ్బతీసేలా ఉన్నాయని పేర్కొంది. వైఎస్ జగన్ వెంటనే తన వ్యాఖ్యలను వెనక్కి తీసుకోవాలని ఏపీ పోలీసు అధికారుల సంఘం డిమాండ్ చేసింది. విజయవాడ సబ్ జైలులో వల్లభనేని వంశీని పరామర్శించిన అనంతరం మీడియాతో మాట్లాడిన అన్యాయాలు చేస్తున్న పోలీసులు రిటైర్ అయ్యి, సప్తసముద్రాల అవతల ఉన్నా రప్పించి, బట్టలూడదీయిస్తామంటూ వార్నింగ్ ఇచ్చారు.