ఏపీలో వైసీపీకి మరో షాక్ తగిలింది. రాజోలు మాజీ ఎమ్మెల్యే రాపాక వరప్రసాద రావు వైసీపీని వీడనున్నట్లు ప్రకటించారు. ఈ విషయాన్ని ఇప్పటికే వైసీపీ అధిష్టానానికి తెలియజేశానని రాపాక చెప్పారు. ఇక తాను ఏ పార్టీలోకి వెళ్లాలనేదీ ఇంకా నిర్ణయించుకోలేదని రాపాక చెప్పారు. ఆదివారం ఉదయం జనసేన ఎమ్మెల్యే దేవ వరప్రసాద్ నిర్వహించిన కార్యకర్తల సమావేశంలో రాపాక ప్రత్యక్షమయ్యారు. దీంతో ఈ విషయం రాజకీయ చర్చకు దారితీసింది. ఈ క్రమంలోనే తాను వైసీపీని వీడనున్నట్లు రాపాక ప్రకటించారు.