శ్రీవారి భక్తులకు శుభవార్త.. మరింత రుచిగా అన్నప్రసాదం.. మెనూలోకి కొత్త ఐటమ్.!

తిరుమల శ్రీవారి భక్తులకు గుడ్ న్యూస్.. తిరుమల శ్రీవారి అన్నప్రసాదంలోకి మరో వంటకం వచ్చి చేరనుంది. తిరుమల అన్నప్రసాదంలో వడలు కూడా వడ్డించాలని టీటీడీ నిర్ణయించినట్లు తెలిసింది. మార్చి ఆరో తేదీ నుంచి ఈ కార్యక్రమాన్ని ప్రారంభించనున్నట్లు సమాచారం. జనవరి నెలలోనే తిరుమలలో మసాలా వడలను ప్రయోగాత్మకంగా వడ్డించారు. ఐదు వేల మంది భక్తులకు వీటిని వడ్డించి.. వారి అభిప్రాయాలు అడిగి తెలుసుకున్నారు. అయితే మార్చి ఆరు నుంచి ఈ కార్యక్రమాన్ని అమలు చేయాలని భావిస్తున్నట్లు సమాచారం .