సికింద్రాబాద్‌ రైల్వేస్టేషన్‌లో 'ఫేషియల్‌ రికగ్నిషన్‌ కెమెరాలు'.. ఇక తప్పించుకునే ఛాన్స్ లేదు

రైల్వే స్టేషన్లలో పెరుగుతున్న చోరీలకు అడ్డుకట్ట వేసేందుకు రైల్వేశాఖ నడుం బిగించింది. సికింద్రాబాద్‌తో పాటు దేశంలోని ఏడు ప్రధాన స్టేషన్లలో అత్యాధునిక ఫేషియల్ రికగ్నిషన్ కెమెరాలను ఏర్పాటు చేయనుంది. రూ.720 కోట్లతో ఆధునికీకరణ పనులు జరుగుతున్న సికింద్రాబాద్‌లో ఈ ఏఐ ఆధారిత కెమెరాలు దొంగలను సులభంగా పట్టుకోనున్నాయి. బెంగళూరులో ప్రయోగాత్మకంగా ఈ కెమెరాలు ఏర్పాటు చేయగా.. 90 రోజుల్లో 47 మంది అనుమానితులను పట్టుకున్నాయి.