సీఎం సారూ.. నా సాయం అప్పుడే మర్చిపోయారా.. రేవంత్‌ రెడ్డికి రైతు వీడియో సందేశం

సీఎం రేవంత్ రెడ్డికి ఓ రైతు వీడియో సందేశాన్ని పంపించారు. బీఆర్ఎస్ ప్రభుత్వ హయాంలో పీసీసీ అధ్యక్షునిగా ఉన్న రేవంత్ రెడ్డి.. బాసర ఐఐఐటీలో విద్యార్థులు ఆందోళనకు దిగగా వాళ్లకు మద్దతు ప్రకటించేందుకు వెళ్లిన సమయంలో.. ఆయనకు సాయం చేసింది తానేనంటూ ఓ రైతు వీడియో విడుదల చేశారు. అయితే.. కాంగ్రెస్ ప్రభుత్వం వచ్చి ఏడాది గడుస్తున్నా.. తనకు ఎలాంటి లాభం చేకూరలేదని.. కనీసం ప్రభుత్వం ప్రకటించిన రైతు రుణమాఫీ కూడా జరగలేదని రైతు వీడియోలు చెప్పుకొచ్చాడు.