సెప్టెంబర్ 30న సెలవు ఇవ్వండి.. సీఎస్‌కు వినతులు..

తెలంగాణ ఉద్యోగుల జేఏసీ, తెలంగాణ ప్రభుత్వం ఘనంగా జరుపుకునే సద్దుల బతుకమ్మ పండుగకు ప్రభుత్వ కార్యాలయాలకు సాధారణ సెలవు (public holiday) ప్రకటించాలని కోరింది. టీజీఈజేఏసీ చైర్మన్ మారం జగదీశ్వర్, కన్వీనర్ ఏలూరి శ్రీనివాస్ రావు ఈ మేరకు ప్రభుత్వ ప్రధాన కార్యదర్శి రామకృష్ణారావుకు వినతి పత్రం సమర్పించారు. ప్రస్తుతం ఉద్యోగులకు ఇచ్చిన ఆప్షనల్ హాలిడేను సాధారణ సెలవుగా మార్చాలని వారు విజ్ఞప్తి చేశారు. ఉద్యోగులు పండుగలో పాల్గొనేందుకు ఈ సెలవు చాలా ఉపయోగపడుతుందని వారు తెలిపారు.