హాజీపూర్‌లో పెద్దపులి సంచారం.. మూగజీవాలపై దాడి.. 4 రోజులుగా భయం భయం..!

Tiger Wandering in Hajipur: తెలంగాణలో పులుల సంచరిస్తుండటం ఇప్పుడు సర్వత్రా కలకలం రేపుతోంది. మొన్నటివరకు ఆదిలాబాద్ జిల్లాలో పులులు సంచరిస్తున్నాయని వార్తలు వస్తుండగా.. ఇప్పుడు మంచిర్యాల జిల్లాలో సంచరిస్తున్నట్టు వార్తలు రావటం అందరినీ ఆందోళనకు గురి చేస్తోంది. అది కూడా పెద్దపులి అనే అనుమానాలు వ్యక్తమవుతుండటంతో మరింత భయపడుతున్నారు. ఇటీవలే ఓ గొర్రెల మందపై కూడా ఈ పెద్దపులి దాడి చేసి రెండు మూగజీవాలను పొట్టనబెట్టుకుంది. దీంతో.. ఆ ప్రాంత ప్రజలు భయంతో వణికిపోతున్నారు.