హైటెక్ సిటీలో సాఫ్ట్‌వేర్ ఉద్యోగం చేస్తున్న మహిళ.. తెల్లారే సరికి దుర్గం చెరువులో దారుణం..

హైదరాబాద్‌లోని దుర్గం చెరువు కేబుల్ బ్రిడ్జి వద్ద ఒక యువతి ఆత్మహత్య చేసుకుంది. మృతురాలిని సుష్మ (27) గా గుర్తించారు. ఆమె బుధవారం ఆఫీస్‌కు వెళ్లి తిరిగి రాలేదు. తండ్రి అంజయ్య ఫిర్యాదు చేశారు. గురువారం ఉదయం చెరువులో మృతదేహం తేలడంతో పోలీసులు పోస్టుమార్టం నిమిత్తం ఉస్మానియా ఆస్పత్రికి తరలించారు. మాదాపూర్ పోలీసులు కేసు నమోదు చేసి కారణాలపై దర్యాప్తు చేస్తున్నారు. ఈ విషాదం మానసిక ఆరోగ్య సమస్యలు, ఒత్తిడి పట్ల ఆందోళనలను పెంచింది.