హైదరాబాద్ మెట్రో ఫేజ్-2కు గ్రీన్ సిగ్నల్.. త్వరలోనే పనులు ప్రారంభం..!

హైదరాబాద్ మెట్రో రైలు మొదటి దశను రాష్ట్ర ప్రభుత్వం పూర్తిగా కొనుగోలు చేయాలని నిర్ణయించడంతో, రెండో దశ విస్తరణకు మార్గం సుగమమైంది. ఎల్‌ అండ్‌ టీ సంస్థ నుంచి ప్రాజెక్టును రూ.15,000 కోట్లతో స్వీకరించేందుకు అవగాహన కుదిరింది. ఈ టేకోవర్ వచ్చే ఏడాది మార్చి నాటికి పూర్తవుతుంది. దీంతో 163 కి.మీ.ల రెండో దశ విస్తరణకు కేంద్ర ఆమోదం కోరనున్నారు. దీని అంచనా వ్యయం రూ.19,000 కోట్లు.