హైదరాబాద్‌లో కాగ్నిజెంట్ కొత్త సెంటర్.. 15 వేల మందికి ఉద్యోగాలు.. సీఎంతో ఒప్పందం..!

తెలంగాణ రాష్ట్రానికి పెట్టుబడులు తీసుకురావటమే లక్ష్యంగా సీఎం రేవంత్ రెడ్డి విదేశాల్లో పర్యటిస్తున్నారు. ఈ పర్యటనలో భాగంగా అమెరికాలోని పలు కంపెనీల ప్రతినిధులతో కీలక భేటీలు నిర్వహించారు. ఈ క్రమంలోనే.. ఐటీ దిగ్గజమైన కాగ్నిజెంట్ కంపెనీ ప్రతినిధులతో సీఎం రేవంత్ రెడ్డి బృందం భేటీ అయ్యింది. కాగా.. ఈ సమావేశం ఫలప్రదం కావటంతో.. హైదరాబాద్‌లో కాగ్నిజెంట్ కొత్త సెంటర్ ప్రారంభించేందుకు ముందుకొచ్చింది. ఈ సెంటర్ ప్రారభమైతే.. సుమారు 15 వేల మందికి ఉద్యోగాలు రానున్నాయి.